༄༅། །ཨོཾ་སྭསྟི། དཀོན་མཆོག་རྩ་གསུམ་སྐྱབས་གནས་རྒྱ་མཚོ་ཡིས། །
དགེ་ལེགས་རྟེན་འབྱུང་དམ་པའི་མཆོག་སྩོལ་བས། །
ས་སྐྱོང་འཇིགས་མེད་གེ་སར་མཚན་ཅན་གྱི། །
སྐུ་ཚེ་ཡུན་བརྟན་མངའ་ཐང་རྒྱས་པར་ཤོག །
བཅོམ་ལྡན་ཐུགས་རྗེའི་དབང་ཕྱུག་ཆེན་པོ་ཡིས། །
བྱིན་རླབས་བདུད་རྩིའི་ཆར་རྒྱུན་རྣམ་ཀུན་ཕབ། །
མི་དབང་ཆོས་རྒྱལ་དམ་པའི་སྐུ་ཚེ་བརྟན། །
ཆབ་སྲིད་མངའ་ཐང་དར་ཞིང་རྒྱས་པར་ཤོག །
སྙིགས་དུས་འགྲོ་མགོན་པདྨ་ཀཱ་ར་ཡིས། །
འཆི་མེད་བདེ་ཆེན་གྲུབ་པའི་མཆོག་སྦྱིན་པས། །
མི་དབང་ཆོས་རྒྱལ་དམ་པའི་སྐུ་ཚེ་བརྟན། །
ཆབ་སྲིད་མངའ་ཐང་དར་ཞིང་རྒྱས་པར་ཤོག །
སྐྱབས་མགོན་ངག་དབང་རྣམ་པར་རྒྱལ་བ་ཡིས། །
གསང་གསུམ་རྡོ་རྗེའི་དབང་བསྐུར་མི་བསླུ་བས། །
མི་དབང་ཆོས་རྒྱལ་དམ་པའི་སྐུ་ཚེ་བརྟན། །
ཆབ་སྲིད་མངའ་ཐང་དར་ཞིང་རྒྱས་པར་ཤོག །
ཕན་བདེའི་འབྱུང་གནས་རྒྱལ་བའི་བསྟན་པ་འཕེལ། །
རྒྱལ་བློན་འབངས་འཁོར་དམ་གཙང་མཐུན་འབྲེལ་ཟབ། །
བདེ་སྐྱིད་ཕུན་ཚོགས་དཔལ་ཡོན་དགུང་དུ་འཕྱུར། །
ལྗོངས་འདི་འཛམ་གླིང་ཀུན་གྱི་རྒྱན་འགྱུར་ཤོག །
ཅེས་རབ་འབྱུང་བཅུ་བདུན་པའི་ས་ཕོ་བྱི་བའི་ལོར་མི་དབང་རིན་པོ་ཆེ་༧འབྲུག་རྒྱལ་ཁྲི་རབས་ལྔ་པའི་གསེར་ཁྲིར་མངའ་གསོལ་ཞུ་སྐབས་འབྲུག་གཞུང་གྲྭ་ཚང་ཡོངས་ཀྱི་མགྲིན་ཚབ་ཏུ་གཙུག་ལག་སློབ་མིང་བསམ་གཏན་རྡོ་རྗེས་ཕུལ་བ་དགེ་ལེགས་སུ་གྱུར་ཅིག། །།
